ⵜⴰⵡⵏⵏⴰⴹⵜ

ⴳ ⵎⴰ ⵉⵥⵍⵉⵏ ⵙ ⵓⴼⵔⴰⴳ ⵏ ⵜⵡⵏⵏⴰⴹⵜ, ⵍⵎⵖⵔⵉⴱ ⴷ ⴰⵎⴰⵍⵡⴰⵢ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵜⵉⵏ ⵡⴰⵄⵕⴰⴱⵏ. ⴳ ⵢⵉⴳⵔ ⴰⴷ, ⵉⵙⵙⵓⴼⵖ ⴷ ⴳ ⵉⵙⴳⴳⵯⴰⵙⵏ ⴳⴳⵓⵔⴰⵏⵉⵏ ⵢⴰⵜ ⵏ ⵜⴳⵔⵓⵎⵎⴰ ⵏ ⵉⵣⵔⴼⴰⵏ ⵉⵥⵍⵉⵏ ⵙ ⵓⴼⵔⴰⴳ ⵏ ⵜⵡⵏⵏⴰⴹⵜ, ⴷ ⵓⵙⴷⵓⵙ ⵏ ⵓⵙⵜⴰⵢ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵉⴳⴰⵏ ⵢⴰⵏ ⵏ ⵓⵙⵜⴰⵢ ⴰⵙⵜⵕⵔⴰⵜⵉⵊⵉ, ⴷ ⵓⵙⴱⵓⵖⵍⵓ ⵏ ⵜⵣⵎⵎⴰⵔ ⵏⵏⵙ ⵙ ⵓⵙⵉⵍⵉⵢ ⵏ ⵜⵡⵏⵏⴰⴹⵜ ⴷ ⵓⵎⴷⵔⵓ ⵏ ⵡⴰⴳⵍⴰ ⵏⵏⵙ ⴰⴽⴷ ⴽⵉⴳⴰⵏ ⵏ ⵜⵎⵉⵣⴰⵔ, ⵙⵍⴰⵡⴰⵏ ⴰⴽⴽⵯ ⵜⵉⵏ ⵉⴼⵔⵉⵇⵢⴰ.

ⵍⵎⵖⵔⵉⴱ ⴷ ⴰⵎⵣⵡⴰⵔⵓ ⵙ ⵓⵎⵄⴰⵏ ⵏ ⵜⴳⵔⵓⵎⵎⴰ ⵜⴰⵣⵔⴼⴰⵏⵜ ⵜⴰⵎⵔⵙⴰⵍⵜ ⵜⵉⵎⵕⵡⵉⵜ ⵉⵜⵜⴳⴳⴰⵏ ⵉⵎⵉⵙ ⵏ ⵓⴼⵔⴰⴳ ⵏ ⵜⵡⵏⵏⴰⴹⵜ. ⴰⵢⵏⵏⴰ ⴰⴷ ⴷ ⵢⵉⵡⵉⵏ ⴰⵙⵖⵜⵙ ⵏ ⵜⵎⴰⵣⵉⵔⵜ ⵏⵏⵖ ⵅⴼ ⵜⵎⵢⴰⵇⵇⴰⵏⵜ ⵏ ⴱⴰⵔⵉⵣ ⴷⴷⴰⵡ ⵏ ⵍⵇⵓⴱⴱⵜ ⵏ ⵜⵎⵜⵜⵉⵏ ⵎⵓⵏⵏⵉⵏⵏ ⴳ ⵏⵢⵓⵢⵓⵔⴽ. ⵜⵥⵍⵉ ⵜⵎⵢⴰⵇⵇⴰⵏⵜ ⴰⴷ ⵉ ⵓⵙⵔⵖⵉ ⵏ ⵓⵏⵥⵡⵉ, ⵜⴳ ⴰⵢⴰⴼⴰ ⵏ ⵓⴳⵔⴰⵡ ⵏ ⵓⵏⵣⵡⵉ “ⴽⵓⴱ 21” ⵉⵏⵎⴰⵍⴰⵏ ⴳ  ⵜⵎⴰⵣⵓⵏⵜ ⵏ ⴼⵕⴰⵏⵚⴰ ⴳ ⴱⴰⵔⵉⵣ.

ⵜⴰⵎⴰⵜⴰⵔⵜ ⵏ ⵓⵙⴷⵓⵙ ⵏ ⵓⵍⵜⴰⵖⴰⴷⵖⵔⵉ ⵏ ⵍⵎⴰⵖⵔⵉⴱ ⴳ ⵢⵉⵡⵉⵣ ⵏ ⵓⵏⵣⵡⵉ ⴷ ⵓⴹⵓⴼ ⵏ ⵜⵡⵓⵏⵏⴰⴹⵜ, ⵉⵙⵙⵓⵖⵍ ⵜⵜ ⵓⵙⵏⵎⴰⵍⴰ ⵏⵏⵙ ⵉ ⵓⴳⵔⴰⵡ ⴰⴳⵔⴰⵖⵍⴰⵏ ⵅⴼ ⵓⵏⵣⵡⵉ “ ⴽⵓⴱ 22” ⴳ ⵎⵕⵕⴰⴽⵛ.  ⴷ ⵓⴳⴳⴰⵔ ⵙ ⵜⵖⵓⵔⵉ ⵏⵏⵙ ⵉ ⵜⵓⴳⵉ ⵏ ⵜⴼⵏⵉⵇⵜ ⵜⴰⵎⴰⴹⵍⴰⵏⵜ ⵏ ⵜⴽⵏⵓⵍⵓⵊⵉⵢⵉⵏ ⵖⵓⵙⵏⵉⵏ, ⴰⴼⴰⴷ ⵜⵡⴰⵍⴰ ⴰⵙⵏⵥⵔⴼ  ⵏ ⵉⵙⵖⵏⵓⵜⵏ ⵏ ⵜⵥⵉⴹⵕⵜ ⴷ ⴱⴰⵀⵔⴰ ⵓⵔ ⵉⵕⵥⵥⵎⵏ ⵉ ⵍⴽⴰⵕⴱⵓⵏ ⴳ ⵜⵎⵉⵣⴰⵔ ⵉⵍⵍⴰⵏ ⴳ ⵓⵙⴽⵜⵓⵔ.

ⴳ ⵢⵉⴳⵔ ⴰⴷ ⵏⵉⵜ ⴰⵖ ⵉⵙⴽⵔ ⵍⵎⵖⵔⵉⴱ ⴳ ⵓⵙⵏⵢⵓⵎⵓ ⵏ ⵓⴳⴰⵣ ⴷ ⵉⵜⵜⴰⵡⵉⵏ ⴰⵙⵔⵖⵉ ⵏ ⵓⵏⵣⵡⵉⴷ ⵉⵜⵜⴽⴽⴰⵏ ⴰⵔⴷⴰⵍ ⵏ ⵜⴰⴳⴰⵏⵉⵏ, ⵢⴰⵏ ⵏ ⵉⵎⵊⴰⵡⴰⴱⵏ ⴷ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵏⴰⵎⵓⵔⵜ. ⵙ ⵎⴰⵏⴰⵢⴰ, ⵣⵣⴰⵏⵜ ⵉⴷ ⵎⵏⵏⴰⵡⵜ ⵏ ⵜⵎⴳⴳⵉⵢⵉⵏ ⵜⵉⴽⵎⴰⵎⵉⵏ ⵎⴳⴰⵍ ⴰⵔⴷⴰⵍ ⵏ ⵜⴰⴳⴰⵏⵉⵏ ⴷ ⵓⵙⴼⵓⵜⵓ ⵏ ⵜⵡⵓⵏⵏⴰⴹⵜ ⵙ ⵓⵙⵔⵓⵙ ⵏ ⵓⵙⵉⴹⵏ ⴰⵎⴰⵙⵙⴰⵏ ⴰⵜⵉⵇⵏⵉ ⴷ ⵓⵙⵉⴹⵏ ⴰⵏⴰⴳⴰⵏ ⴰⵏⴰⵎⵓⵔ ⵉⵙⵙⵎⵔⴰⵙⵏ ⵉⵎⵉⵙ ⵙⴳ ⵜⵓⴳⴳⵓⴳⵜ ⵉ ⵓⴹⴼⴼⵓⵕ ⴷ ⵜⵎⴳⵔⵓⵜ ⵏ ⵓⵎⵍⴰⵏ ⵉⵣⴷⵉⵏ ⴷ ⵜⵎⴰⵙⵙⴰⵏⵉⵏ ⵏ ⵡⴰⴽⴰⵍ ⴷ ⵜⵉⵏ ⵜⵡⵏⵏⴰⴹⵜ. 

ⵉ ⵓⴳⴳⴰⵔ ⵏ ⵓⵎⵍⴰⵏ, ⴰⴳⴳⵯⴰⵜ ⵏⵏ ⴰⵣⴷⴰⵢ ⴰⴷ:

ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⵏ ⵜⵥⴹⴰⵕⵜ ⴷ ⵜⴳⵎⵉ ⵜⴰⵙⵓⵍⴰⵏⵜ