ⵉⵟⵟⴼ ⵍⵎⵖⵔⵉⴱ ⵉⵎⵓⴽⴰⵏ ⵏ ⵜⵖⴰⵔⵉⵏ ⵏ ⵢⵉⵍⵍ ⵉⵍⴰⵏ ⴰⵜⵉⴳ ⵢⴰⵜⵜⵓⵢⵏ, ⵉⴳ ⵙⵉⵙⵏ ⵢⴰⵜ ⵏ ⵙⵎⵎⵓⵙⵜ ⵏ ⵜⵎⵏⴰⴹⵉⵏ ⴳ ⵓⵎⴰⴹⴰⵍ ⵍⵍⵉ ⵉⵣⵎⴰⵔⵏ ⵉ ⵓⵙⵎⴰⵢⵏⵓ ⵏ ⵓⴼⴰⵔⵙ ⵏ ⵉⵙⵍⵎⴰⵏ. ⴳ ⵢⵉⴳⵔ ⴰⴷ, ⵍⵎⵖⵔⵉⴱ ⴷ ⴰⵎⵣⵡⴰⵔⵓ ⵏⴳⵔ ⵜⵎⵉⵣⴰⵔ ⵏ ⵡⴰⵄⵔⴰⴱⵏ, ⵢⵉⵍⵉ ⴳ ⵜⵙⴽⵯⴼⵍⵜ ⵜⵉⵙ ⵜⴰⵎ ⴷ ⵎⵔⴰⵡⵜ ⵏⴳⵔ ⵜⵎⵉⵣⴰⵔ ⵏ ⵓⵎⴰⴹⴰⵍ ⵎⴰⵕⵕⴰ ⴳ ⵎⴰ ⵉⵥⵍⵉⵏ ⵉ ⵜⵙⵎⴽⵜⵉⵏ ⵏ ⵓⴼⴰⵔⵙ ⵏ ⵉⵙⵍⵎⴰⵏ.
ⵉⵜⵜⴰⵡⵙ ⵡⵉⵢⴷⴰ ⵏ ⵉⵙⵍⵎⴰⵏ ⴳ ⵜⴷⴰⵎⵙⴰ ⵜⴰⵏⴰⵎⵓⵔⵜ ⵙ ⵜⴱⵣⴰⵔⵜ ⵢⴰⵜⵜⵓⵢⵏ, ⵎⴽ ⵍⵍⵉ ⵉⵜⵜⴰⵡⵙ ⴳ ⵓⵏⵏⵓⵕⵥⵎ ⵏ ⵜⵉⵍⵉⵜ ⵏ ⵉⴼⴹⵏ ⵏ ⵉⴷⵖⴰⵔⵏ ⵏ ⵜⵡⵓⵔⵉ. ⵙ ⵎⴰⵏⴰⵢⴰ, ⵉⵙⵙⵓⴼⵖ ⴷ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 2009 ⵜⴰⵙⵜⵔⴰⵜⵉⵊⵉⵜ ‘ⴰⵍⵢⵓⵜⵉⵙ” ⵎⴽ ⵍⵍⵉ ⴷ ⵉⵙⵍⵍⵡⵉ ⵜⴰⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵜⵙⴳⵎⵉⵍⵜ ⴳ ⵓⵙⴳⴳⵯⴰⵙ ⵏ 2011, ⴰⴼⴰⴷ ⵢⵉⵍⵉ ⵓⵙⴱⵓⵖⵍⵓ ⴷ ⵜⴳⵎⵉ ⵏ ⵢⵉⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ, ⵜⵉⵍⵉ ⵜⵖⵓⵔⵉ ⵏ ⵉⵏⵎⴰⵔⵏ ⴷ ⵉⵜⵜⵎⴰⵇⵇⴰⵔ ⵢⵉⴳⵔ ⴰⴷ.
ⵜⵜⵍⵎⴰⵡⴰⵢ ⵜⵙⵔⴰⵜⵉⵊⵉⵜ “ⴰⵍⵢⵓⵜⵓⵙ” ⴽⵔⴰ ⵏ ⵜⵎⵓⴽⵔⵉⵙⵉⵏ ⴷ ⵉⵜⵜⵣⵣⵓⵏ ⴳ ⵢⵉⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ, ⴰⵎ ⵜⵉⵏ ⵓⵙⵡⵓⴷⴷⵓ ⵏ ⵉⵙⵓⴳⴰⵎ ⴷ ⵜⵙⵖⵏⵣⵉⵜⴷ ⵓⵏⵀⵍⵍⴰ ⴳ ⵜⴳⵎⵔⵜ ⴷ ⵓⵅⵡⵓ ⴷ ⵜⵎⵏⵣⵉⵡⵜ ⴷ ⵓⵙⵏⴼⵍ.
ⵉⵜⵜⵖⴰⵡⴰⵍ ⵍⵎⵖⵔⵉⴱ ⴰⴷ ⵉⵙⵖⵓⴷⵓ ⴰⵙⵡⵉⵔ ⵏ ⵜⵙⵎⵓⵔⵜ ⵜⴰⴷⵖⵔⴰⵏⵜ ⵉ ⵉⵙⵍⵎⴰⵏ ⵙ ⵢⴰⵜ ⵏ ⵜⴳⵔⵓⵎⵎⴰ ⵏ ⵉⵙⵡⵓⴷⴷⵓⵜⵏ ⵉⵙⵡⵓⵜⵜⵓⵙⵏ ⴰⵙⴼⵓⵍⴽⵉ ⵏ ⵜⵕⵡⵉ ⴷ ⵜⵏⴼⵔⵓⵜ ⵏⵏⵙ ⴳ ⵉⵥⵟⵡⴰⵏ ⵏ ⵜⵟⵟⵓⴹⵜ ⴳ ⵜⵙⴳⵉⵡⵉⵏ ⵎⴰⵕⵕⴰ ⵏ ⵜⵎⴰⵣⵉⵔⵜ.
ⴳ ⵓⴳⴰⴷⴰⵣ ⴰⵎⴰⴹⵍⴰⵏ, ⵉⵜⵜⵓⵙⵙⴰⵏⵏ ⵍⵎⵖⵔⵉⴱ ⵙ ⵓⴳⴳⵓⴷⵉ ⵏ ⵉⵙⵓⵜⵔⵏ ⵏ ⵉⵢⴰⴼⵓⵜⵏ ⴰⵢⵍⴰⵏⵏ, ⴷ ⵎⵏⵉⴷ ⵏ ⵉⵙⴱⴷⴰⴷⵏ ⵏ ⵉⵏⵙⵎⵓⵔⵏ ⵉⵙⵉⴳⴳⵉⵍⵏ ⵉⵢⴰⴼⵓⵜⵏ ⵉⵡⴰⵍⴰⵏ ⵜⵉⵕⵡⵉ ⴷ ⵓⵎⵙⴰⵙⴰ ⵏ ⵜⵎⵢⵓⵔⵉⵏ ⵜⵉⵏⵙⵎⵓⵔⵉⵏ ⵜⵉⵜⵔⴰⵔⵏ. ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⴳ ⵜⵎⴳⵓⵔⵉ ⵏ ⵉⵙⵍⵎⴰⵏ ⵢⴰⵜ ⵏ ⵜⵎⴳⵓⵔⵉⵏ ⵜⵉⵎⵙⴰⴷⵓⵔⵉⵏ ⵜⵙⵡⴰⵍⴰ ⵉ ⵓⵏⵀⵍⵍⴰ ⵉⵥⵍⵉⵏ. ⵙ ⵎⴰⵏⴰⵢⴰ, ⵜⵟⵟⴼ ⵍⵎⵖⵔⵉⴱ ⴰⴷⵖⴰⵔ ⴷ ⵢⵓⵙⴰⵏ ⴷ ⵓⵙⵓⵔⵙ ⴰⴷ. ⵓⵏⵛⵜ ⴰⵏⵏ ⴰⴼ ⵉⴳⴰ ⴰⵎⵙⵙⵓⴼⵖ ⴰⵅⴰⵜⴰⵔ ⵏ ⵉⵙⵍⵎⴰⵏ, ⵉⵙⵎⴰⵢⵏⵓ ⵜⵓⵚⴽⵉⵡⵉⵏ ⵏ ⵢⵉⴳⵔ ⴰⴷ , ⵉⵟⴼⵕ ⴳⵉⵙ ⵜⴰⵙⵔⵜⵉⵜ ⵏ ⵓⵙⵜⵔⴰⵔ ⴷ ⵜⵉⵏ ⵜⴳⵎⵉ.
ⵉ ⵓⴳⴳⴰⵔ ⵏ ⵓⵎⵍⴰⵏ, ⴰⴳⴳⵯⴰⵜ ⵏⵏ ⵉⵣⴷⴰⵢⵏ ⴰⴷ:
- ⴰⵙⵉⵔⴰ ⴰⵏⴰⵎⵓⵔ ⵏ ⵜⴳⵎⵔⵜ ⵜⴰⵢⵍⴰⵏⵜ;
- ⵜⴰⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ - ⵜⴰⵣⵓⵏⵉ ⵏ ⵜⴳⵎⵔⵜ ⵜⴰⵢⵍⴰⵏⵜ.